ချင်းပြည်နယ်သည် စီးပွားရေး၊ ပညာရေး၊ လူမှုရေးများတွင် နိုင်ငံတော်၏ ကူညီပံ့ပိုးမှုဖြင့် အဘက် ဘက်မှ တိုးတက်ဖွံ့ဖြိုးမှုရရှိနိုင်ရန် ချင်းတိုင်းရင်းသားအားလုံးက ကြိုးပမ်းအားထုတ် ဆောင်ရွက်လျက်ရှိကြသည်။ ယ ခု အချိန်တွင် တစ်ပိုင်တစ်နိုင် စီးပွားရေးမှ ပြည်နယ် ပြည်သူများ၏ အကျိုးစီးပွားအဖြစ် နွားနောက်များ မွေးမြူခြင်း၊ လက်ဖက်ပြည်နယ်အဖြစ် သတ်မှတ်နိုင်ရေးအတွက် လက်ဖက်စိုက်ပျိုးရေးစီမံချက်ထား ရှိဆောင်ရွက်ခြင်း၊ ချင်းတောင်ပန်းသီးကို ဧကအလိုက် စိုက်ပျိုးခြင်းများဆောင်ရွက် လျက်ရှိကြသည်။ ယင်း အပြင် ချင်းပြည်နယ်၏ သီးနှံတစ်မျိုးဖြစ်သော မျောက်ငိုသီး သည် ဟားခါးမြို့နယ်၊ ထန်တလန် မြို့နယ်နှင့် ဖလမ်းမြို့နယ်တို့တွင် အထူးဖြစ်ထွန်း အောင်မြင်လျက်ရှိပြီး အဆိုပါမျောက်ငိုသီးများကို အပင် လိုက်သော်လည်းကောင်း၊ အခိုင်လိုက်သော်လည်းကောင်း ရောင်းကြပြီး အပင်ကြီး၍ အသီး ကောင်းသောအပင် သည် တစ်ပင်လျှင် ငွေကျပ် ၄ဝဝဝဝဝ ခန့်ဖြင့် ရောင်းရသည်။
အဆိုပါ မျောက်ငိုသီးများကို ကလေးမြို့၊ တမူးမြို့နှင့် ဂန့်ဂေါမြို့များသို့ တင်ပို့ရောင်းချကြသည့်အပြင် အိန္ဒိယ နိုင်ငံနှင့် တရုတ်နိုင်ငံများသို့လည်း ဆက်လက်တင်ပို့ရောင်းချကြ ပြီး မျောက်ငိုသီးများသည် မြန်မာနိုင်ငံ အနောက်မြောက်ပိုင်း ဒေသများ၊ အိန္ဒိယနိုင်ငံ အရှေ့မြောက်ပိုင်းဒေသများ၊ မလေးရှားနိုင်ငံ၊ စင်ကာပူနိုင်ငံ၊ ထိုင်းနိုင်ငံနှင့် လာအိုနိုင်ငံများတွင် လည်း ဖြစ်ထွန်းအောင်မြင်လျက်ရှိကြောင်း သိရသည်။
ဂျူနိုင်း
0 comments:
Post a Comment