ထားဝယ်စီမံကိန်းတွင် ခေတ်မီနည်းပညာသုံးသော်လည်း ဒေသခံများ၏ လူမှုဘဝကို ပြန်လည်မဆန်းစစ်နိုင်ပါက ရပ်ထားသင့်ဟုဆို

 

 ထား ဝယ်ရေနက်ဆိပ်ကမ်းစီမံကိန်း ကို မည်သည့်တိုင်းပြည်မှ မည် သည့်ကောင်းသည့်နည်းပညာ သုံးသုံး ဒေသခံများ၏ လက်ရှိလူမှု ဘဝကို ပြန်လည်ဆန်းစစ်ခြင်းမ လုပ်နိုင်ပါက ရှေ့ဆက်မလုပ်ဘဲ ရပ်ဆိုင်း ထားသင့်ကြောင်း ထား ဝယ်အမျိုးသမီးသမဂ္ဂ (TWU)မှ ထုတ်ဖော်ပြောကြားလိုက်သည်။ ရန်ကုန်မြို့ National YMCA တွင် ထားဝယ်အမျိုးသမီး သမဂ္ဂ( TWU)မှ ထုတ်ဝေဖြန့်ချိ သည့် ထားဝယ်ရေနက် ဆိပ်ကမ်း စီမံကိန်းနှင့် ဒေသခံများ၏ဆန္ဒ မှတ်တမ်းဗီဒီယိုဖြန့်ချိပွဲတွင် ယခု ကဲ့သို့ထုတ်ဖော်ပြောကြားလိုက် ခြင်းဖြစ်သည်။

ထားဝယ်အမျိုးသမီးသမဂ္ဂ မှ ဒေါ်စုစုဆွေက ''ဒီစီမံကိန်း ကြောင့် မြေယာလျော်ကြေးငွေ ကျပ်သိန်း ၁ဝဝ ရလဲ ဘယ်နှလ ခံမှာလဲ။ တစ်သက်စားလို့မကုန် တဲ့မြေတွေ ဆုံးတယ်။ လက်တွေ့ မှာ နစ်နာတယ်။ အလုပ် မရှိကြ တော့ အရွယ်စုံ ထိုင်းကိုသွားပြီး အလုပ်လုပ်ကြရတယ်။ ကျန်တာဆို သက်ကြီးရွယ်အိုတွေပဲရှိတယ်။ ဒီစီမံကိန်းက သူတို့တွေ မဖိတ်ခေါ်ဘူး။ အားမပေးဘူး။ တကယ်ကော ဒီစီမံကိန်းက ဖွံ့ ဖြိုးတိုးတက်ရေး စီမံကိန်းလားလို့ မေးခွန်းထုတ်ချင်တယ်။ စီမံခန့်ခွဲမှုမရှိတာ၊ တာဝန်ခံမှုမရှိတာ၊ မဖြေရှင်းပေးနိုင်တာ တွေ ကြောင့် သုညကစရမယ့် ထားဝယ်လိုဒေသမျိုးမှာ ဘယ်လောက်အထိ အဆင်သင့်ဖြစ်နေပြီလဲ။ သေသေ ချာချာ ဆန်းစစ်စေချင်တယ်။ ရှေ့ ဆက်မတိုးသင့်ဘူး။ ဂျပန်ပဲလာလာ၊ ဘယ်သူပဲ လာလာ ဒီအတိုင်း ဆက်သွားနေရင်တော့ ဒေသခံတွေအတွက် ဘာမှထူးမလာနိုင် ဘူး''ဟု ရန်ကုန်တိုင်းမ်၏မေးမြန်း မှုကိုဖြေ ကြားသည်။

ထားဝယ်ဖွံ့ဖြိုးတိုးတက်ရေး အဖွဲ့ (DDA)မှ ဦးရဲလင်းမြင့်က ''ခု ဂျပန်လာမယ်လို့သိရတယ်။ သူ တို့က ပိုပြီးစနစ်ကျတယ်ဆိုပေမယ့် ထိုင်းမှာမယ်တာဖော့မှာဖြစ်နေတဲ့ သဘာဝပတ်ဝန်းကျင်ထိ ခိုက်မှုတွေ၊ လူတွေထိခိုက်မှုတွေက အဲဒီမှာ ရင်းနှီးမြှုပ်နှံထားတာက ဂျပန်ပဲဖြစ်နေတယ်။ အီတာလျံထိုင်းနဲ့ ဂျပန်အကူး အပြောင်းမှာ ဘယ်နိုင်ငံကပဲလုပ်လုပ်အရင်က လျော်ကြေးကိစ္စတွေ ပေးမယ်လို့ ပြောထားတဲ့ဟာတွေ၊ လျှော့ပေးထားတာတွေကို ဘယ် လိုလွှဲပြောင်းမလဲ ငါတို့ မသိဘူး။ နောက်တစ်ဦးက ငါတို့နဲ့မဆိုင် ဘူးဆိုရင် ဘယ်လိုလုပ်မလဲ။ အ ပေါ်က ဘယ်လိုပြောင်းပြောင်း အောက်ခြေမှာ မရှင်းဘဲထားရင် နောက်ပိုရှုပ်ထွေးတဲ့ အခြေအ နေ ရောက်သွားနိုင်တယ်။ တစ်ခု ချင်းစီကို ကျကျနနဖြေရှင်းပြီး မှ ရှေ့ဆက် သွားဖို့ လုပ်သင့် တယ်'' ဟု ထောက်ပြပြောဆိုသည်။

နိုင်ငံတော်စီမံကိန်းဖြစ် သည်ဆိုပါကလဲ နိုင်ငံတကာတွင် လုပ်ကိုင်နေသည့် စည်းမျဉ်းစည်း ကမ်းများ အတိုင်း စီမံကိန်းမစ တင်မီ ဒေသခံများကို အသိပေး တိုင်ပင်ကာ သဘောတူညီချက် များရယူသင့်ပြီး ဒေ သခံများ၏ မူလအခွင့် အရေး ရပိုင်ခွင့်များ ကို လေးစားသင့်ကြောင်း၊ ဒေသ ခံများ၏ ခြံ၊ မြေများကိုအသုံးချ ကာ မျက်ကွယ်တွင် ရှင်းလင်းဆောင် ရွက်မှ စီမံကိန်းစတင်သည်ဟုသိ ရှိကြောင်း ဒေသခံများကဆိုသည်။ ထားဝယ်ဒေသခံ၊ မူဒူးကျေး ရွာမှ ဦးအောင်မြင့် က ''ကျွန် တော်တို့ရွာမှာဆို မြေယာလျော် ကြေးတွေက ပထမတစ်ဧက ကျပ် ငါးသိန်း၊ နောက် တစ်ဧကကျပ် သိန်း ၃၀၊ နောက်ဆုံးကျပ်သိန်း ၁ဝဝအထိပေးတယ်။ လျော်ကြေး က သုံးခုကွဲပြားနေတယ်။ သဘော မတူလို့ လျော်ကြေး မယူလဲ သမာဓိ အဖွဲ့နဲ့ ကျေးရွာ အုပ်ချုပ်ရေးတွေ နဲ့ တစ်ပတ်ရိုက်ခြိမ်းခြောက်ပြီး လျော်ကြေးပေးသွားတာတွေလဲ ရှိတယ်။ ကျွန်တော်တို့ခြံအလုပ် ကတင် တစ်နေ့ဝင်ငွေ ငွေကျပ် ၁ဝဝဝဝရနေတာ။ ဖယ်ပေးရတော့ ကော ဘာလုပ် ကိုင် စားသောက် နိုင်မလဲ။ ဒီလိုသာဆို ကျွန်တော် တို့ဘဝ ရေရှည်ရပ်တည်နိုင်မှာ မဟုတ်ဘူး''ဟု ရန်ကုန် တိုင်းမ်နေ့ စဉ်သတင်းစာသို့ပြောသည်။

စီမံကိန်းဧရိယာ ၂၀၄ဒသမ၅ စတုရန်းကီလိုမီတာရှိကာ အမေရိကန်ဒေါ်လာ ၈ဒသမ၆ ဘီလီ ယံကုန်ကျ မည့် အရှေ့တောင်အာရှ၏အကြီးဆုံး ထားဝယ်ရေနက် ဆိပ်ကမ်းစီမံကိန်းကို ၂၀၀၈ခု နှစ်က နှစ်နိုင်ငံအစိုး ရချင်း လက် မှတ်ရေးထိုး စတင် အကောင်အထည်ဖော်ခဲ့ခြင်းဖြစ်ကာ လက်ရှိ တွင် စီမံကိန်းရင်းနှီးမြှုပ်နှံမှု ပမဏ ကြီးမားသည့်အတွက် ဆက်လက် အကောင်အထည်ဖော်ရန် ဂျပန်၊ မြန်မာ၊ ထိုင်း သုံးနိုင်ငံပူးပေါင်း အကောင်အထည်ဖော်ရန် စီစဉ် နေခြင်းဖြစ်ကြောင်း သိရသည်။

ရဲလင်းထက်

Yangon Media Group