မကွေးတိုင်းဒေသကြီး ပခုက္ကူမြို့ အထွေထွေရောဂါကုဆေးရုံကြီး သားဖွားမီးယပ်ကုသဆောင်တွင် စက်တင် ဘာ ၂၇ ရက် နံနက်ပိုင်းက သုံးမြွှာပူးမိန်းကလေးများအား အောင်မြင်စွာ မွေးဖွားပေးနိုင်ခဲ့ ကြောင်းသိရ သည်။ စက်တင်ဘာ ၂၇ ရက် နံနက်တွင် ပခုက္ကူမြို့နယ် ကုက္ကိုလှကျေးရွာအုပ်စု သင်္ဘောကုန်းကျေးရွာနေ ဦးအောင်ကျော်သူ၏ဇနီး ဒေါ်သင်းသင်းအေးမှ ပခုက္ကူပြည်သူ့ဆေးရုံကြီး သားဖွားမီးယပ်ကုသဆောင်တွင် နံနက် ၉ နာရီ ၃၅ မိနစ်က ပထမမိန်းကလေးကို ငါးပေါင်ဖြင့်လည်းကောင်း၊ ဒုတိယမိန်းကလေးကို နံနက် ၉ နာရီ ၃၆ မိနစ်တွင် သုံးပေါင် ၁ဝ အောင်စဖြင့်လည်းကောင်း၊ တတိယမိန်းကလေးကို နံနက် ၉ နာရီ ၃၇ မိနစ်တွင် လေးပေါင်ဖြင့်လည်းကောင်း ပခုက္ကူဆေးရုံကြီးမှ သားဖွားမီးယပ် အထူးကုဆရာဝန်ဒေါက်တာ ဒေါ်အေးအေးသင်းက အောင်မြင်စွာဖြင့် မိခင်နှင့် ကလေးသုံးဦးစလုံး ကျန်းမာစွာမွေးဖွား ပေးနိုင်ခဲ့သည်။ သုံးမြွှာပူးမိခင်ဒေါ်သင်းသင်းအေးအား ပခုက္ကူဆေးရုံကြီးမှ ဆေးရုံအုပ်ကြီး ဒေါက်တာဒေါ်သင်းသင်းအေးနှင့် အထူးကုဆရာဝန်များ၊ လက်ထောက်ဆရာဝန်များ၊ ဆေးလူမှုဆက်ဆံရေးမှူးနှင့်ဝန်ထမ်းများက ပိတ်အနှီး စနှင့် အလှူငွေများ ထောက်ပံ့ပေးအပ်ခဲ့ကြောင်း သိရသည်။
အောင်(မန်းတက္ကသိုလ်)
သတင်းနှင့်မီဒီယာကွန်ယက်
0 comments:
Post a Comment