၂၈ ရက်နေ့ နံနက်(၁၀)နာရီတွင် ကချင်ပြည်နယ်၊ မိုးညှင်းမြို့စိမ်းလဲ့ရတနာ ခန်းမတွင် မိုးညှင်းမြို့ လွှတ်တော်ကိုယ်စားလှယ်များမှ ပထမအကြိမ်လွှတ်တော် သတ္တမပုံမှန်အစည်းဝေး အတွေ့အကြုံများကို ပြည်သူများအား ရှင်းလင်းပွဲနှင့် နှစ်စဉ် ကျင်းပသော အကြိမ်(၂၀)မြောက် ပညာရည်ချွန်ဆု ပေးပွဲကို ကျင်း ပခဲ့သည်။
အမျိုးသားလွှတ်တော် ကိုယ်စားလှယ်ဦးစိုင်းတင်အောင်မှ လွှတ်တော်တွင်း အတွေ့အကြုံများအား ရှင်းပြပြီး ပြည်သူ့လွှတ်တော် ကိုယ်စားလှယ် ဦးကျော်စိုးလေးမှ ပြီးခဲ့သော တက္ကသိုလ်ဝင်တန်း စားမေးပွဲတွင် ထူးချွန် စွာ အောင်မြင်ခဲ့ကြသော သုံးဘာသာ ဂုဏ်ထူးရှင်(၃၃)ဦးအား စုစုပေါင်း ကျပ်၉၉သိန်း၊ လေးဘာသာ ဂုဏ်ထူးရှင်(၂၅)ဦးအား ဆယ်သိန်း၊ ငါးဘာသာဂုဏ်ထူးရှင်(၂၃)ဦးအတွက် ၁၁သိန်း၅သောင်းကျပ်၊ ခြောက် ဘာသာ ဂုဏ်ထူးရှင်(၂)ဦးအား ငွေကျပ် ၁သိန်း၂သောင်း စသည်ဖြင့် ဆုငွေများနှင့် ဂုဏ်ပြုမှတ်တမ်းများ ပေးအပ်ခဲ့သည်။ ယင်းအပြင် အောင်ချက် အကောင်းဆုံးကျောင်း ပထမဆုကို အ.ထ.က နန်းမား ကျောင်းအား သုံးသိန်း၊ ဒုတိယဆုကို အ.ထ.က(၁)မိုးညှင်း နှစ်သိန်း၊ တတိယဆကို အ.ထ.က မြသီတာ(ဟိုပင်) တစ်သိန်းကျပ်တို့ ချီးမြှင့်ခဲ့ပြီး အောင်ချက်အကောင်းဆုံး ပြင်ပကျူရှင် ထူးဘော်ဒါအား ကျပ်ငွေ တစ်သိန်းနှင့် အ.ထ.က(၂)ကျောင်း ရန်ပုံငွေအတွက် ကျပ်သုံးသိန်းကိုလည်း ပေးအပ်ခဲ့သည်။
ယင်းအခမ်းအနားတွင် ပြည်သူ့လွှတ်တော် ကိုယ်စားလှယ် ဦးကျော်စိုးလေးက“ ပြည်သူတွေ တင်မြောက် ခဲ့လို့ လွှတ်တော်ကိုယ်စားလှယ်ဖြစ်လာသည့် အလျောက် ပြည်သူတွေပေးတဲ့ တာဝန်ကို ကျေပွန်အောင် ထမ်းဆောင်ပါမယ်။ ကျေပွန်အောင်လည်း ကြိုးစားနေပါတယ်။ ပြည်သူ့လိုအပ်ချက်ဖြစ်သော မြို့အတွက် လမ်းကောင်းဖို့၊ မီးရဖို့လိုတယ်ဆိုတာသိလို့ လွှတ်တော်မှာ တင်ပြခဲ့တယ်။ လမ်းတွေအတွက် ကြိုးစားနေသလို လျှပ်စစ်မီးလည်း ရရှိနေပြီဖြစ်ပါတယ်။ ပြည်သူ့ဆေးရုံကို ကုတင်(၂၀၀)ဆန့် ဆေးရုံသို့ မြှင့်တင်ပေးရန်၊ ဆေးရုံဝင်း ကျဉ်းမြောင်းသည့်အတွက် တိုးချဲ့ပေးရန်၊ မိုးညှင်းဒီဂရီကောလိပ်ကို တက္ကသိုလ်အဖြစ်သို့ မြှင့်တင်ပေးရန် တောင်းဆိုထားပါတယ်။ လွှတ်တော်ကိုယ်စားလှယ်များနဲ့ နိုင်ငံ ရေးပါတီများသည် နိုင်ငံတော်နှင့် နိုင်ငံသားများ၏ အကျိုးစီးပွားအတွက် ဆောင်ရွက်နေကြသော ပုဂ္ဂိုလ် များဖြစ်ပါတယ်။ မြို့နယ်ဖွံ့ဖြိုး တိုးတက်ရေးမှုကို အားတက်သရော ၀ိုင်းဝန်းစွမ်းဆောင်ပေးကြဖို့ လိုအပ်ပါတယ်”ဟု ပြောကြားသည်။
ယင်းအခမ်းအနားကို ပြည်သူ့လွှတ်တော်ကိုယ်စားလှယ် ဦးကျော်စိုးလေး၊ အမျိုးသားလွှတ်တော် ကိုယ်စားလှယ်ဦးဖေသောင်း၊ အမျိုးသားလွှတ်တော် ကိုယ်စားလှယ် ဦးစိုင်းတင်အောင်၊ ခရိုင်အုပ်ချုပ်ရေးမှူး ဦးအောင်စိုးမိုး၊ မြို့နယ်အုပ်ချုပ်ရေးမှူး ဦးမြတ်ယု၊ ဒီဂရီကောလိပ်ကျောင်းမှ ကျောင်းအုပ်ကြီး ဒေါက်တာ အောင်မင်းဝင်း၊ မြို့နယ်အထောက်အကူပြုအဖွဲ့၊ လူမှုရေးအသင်းအဖွဲ့များ၊ တိုင်းရင်းသားရိုးးရာယဉ်ကျေးမှု အဖွဲ့များနှင့် ပြည်သူ(၈၀၀)ကျော် တက်ရောက်ခဲ့ကြသည်။
သီဟအောင်(ကချင်)
0 comments:
Post a Comment