ဒေါက်တာစင်သီယာမောင်ကို ဆစ်ဒနီငြိမ်းချမ်းရေးဆု ရွေးချယ်ချီးမြှင့်

  သြစတြေးလျားနိုင်ငံရှိ ဆစ်ဒနီငြိမ်းချမ်းရေးဖောင်ဒေးရှင်းက ပေးအပ်သော ဆစ်ဒနီငြိမ်းချမ်းရေးဆုကို ၂၀၁၃ ခုနှစ်အတွက် ထိုင်း -မြန်မာနယ်စပ်တလျှောက် ကျန်းမာရေးနှင့် လူမှုရေးအကူအညီများကို အခမဲ့ကူညီပေးနေ သည့် မယ်တော်ဆေးခန်းထူထောင်သူ ဒေါက်တာစင်သီယာမောင်အား ရွေးချယ်ချီးမြှင့်လိုက်သည်။ ယခုလို ဆုမျိုးမှာ ငြိမ်းချမ်းရေး၊ တရားမျှတရေးနှင့် လူသားအကျိုးပြု လုပ်ငန်းများလုပ်ဆောင်နေသူပုဂ္ဂိုလ်များကို ၁၉၉၈ ခုနှစ်မှစ၍ နှစ်စဉ်စတင်ရွေးချယ်ဆုချီးမြင့်ခဲ့ပြီး ယခု ၂၀၁၃ခုနှစ် ငြိမ်းချမ်းရေးဆု အတွက် ဒေါက်တာစင်သီ ယာမောင်အား ၁၆ ဦးမြောက်အဖြစ် ရွေးချယ်ချီးမြှင့်ခဲ့ခြင်းဖြစ်သည်။

ဆုချီးမြှင့်ခံရခြင်းနှင့် ပတ်သက်၍ ဒေါက်တာစင်သီယာမောင်က “အဓိကတော့ အခုကျမတို့ လုပ်ဆောင်နေတဲ့ ကျန်းမာရေးလုပ်ငန်း တွေ၊ လူမှုရေးလုပ်ငန်းတွေအပေါ်မှာ အခြေခံပြီးတော့ ပေးအပ်တာဖြစ်ပါတယ်”ဟု ကေအိုင်စီသို့ ပြောသည်။ ဒေါက်တာ စင်သီယာ မောင်သည် ထိုင်း-မြန်မာနယ်စပ် မဲဆောက်တွင် အခြေစိုက်ပြီး ကျန်းမာရေး၊ လှုမှုရေး၊ ပညာရေး၊ ကူညီကယ်ဆယ်ရေးလုပ်ငန်းများ ကို ဦးဆောင်ကာ လုပ်ဆောင်နေသည့်အပြင် အခြားသောလူမှု အဖွဲ့အစည်းများနှင့်လည်း ပူးပေါင်းလုပ်ဆောင်နေသည့်ပုဂ္ဂိုလ် ဖြစ်သည်။

ဆစ်ဒနီငြိမ်းချမ်းရေးဆုကို နိုဝင်ဘာ ၇ ရက်နေ့၊ သြစတြေးလျားနိုင်ငံ၊ ဆစ်ဒနီမြို့ရှိ မြို့တော်ခန်းမတွင် အခမ်း အနားပြုလုပ်၍ ချီးမြှင့်သွားရန်ရှိပြီး ဆုကြေးငွေအဖြစ် သြစတြေးလျားဒေါ်လာ ၅ သောင်းကိုလည်း ရရှိမည် ဖြစ်ကြောင်း၊ ရရှိလာသောဆုငွေများကို လက်ရှိလုပ်ဆောင်နေသည့် လူမှုအကျိုးပြုလုပ်ငန်းများအတွက် အသုံး ပြုသွားမည်ဟု ဒေါက်တာစင်သီယာမောင်က ပြောသည်။ 

ဆက်လက်၍ ဒေါက်တာစင်သီယာမောင်က “ဒီဆုကနေ ရတဲ့ငွေပမာဏနဲ့ အသုံးပြုပြီးတော့ ကျမတို့ တတ်စွမ်း သမျှ လုပ်ငန်း တွေကို ဆက်လက်ကြိုးစားလုပ်ဆောင်သွားမယ်။ အခုလို ကျမတို့ကို အသိအမှတ်ပြုပေးတာကို လည်း ကျေနပ်မိပါတယ်။ နောက် ပြီးတော့ လူထုတွေအတွက် တကယ်လိုမယ့် လုပ်ငန်းတွေကို ဆက်လက်လုပ် ဆောင်နိုင်ဖို့လည်း ခွန်အားဖြစ်စေပါတယ်”ဟု ဖြည့် စွက်ပြောသည်။

သြစတြေးလျားနိုင်ငံ ဆစ်ဒနီငြိမ်းချမ်းရေးဖောင်ဒေးရှင်းမှ ပေးအပ်သည့် ဆစ်ဒနီငြိမ်းချမ်းရေးဆုသည် တောင်အာဖရိကနိုင်ငံမှ နို  ဘဲလ်ငြိမ်းချမ်းရေးဆုရှင် ဘုန်းတော်ကြီး တက်စမန်တူးတူး၊ အိုင်ယာလန် သမ္မတဟောင်း Mary Robinson နဲ့ ဘင်္ဂလားဒေ့ရှ် နိုင်ငံကပါမောက္ခ Muhammad Yunus တို့အားပေးအပ်ခဲ့ပြီးဖြစ်သည်။ လူမှုကူညီရေးလုပ်ငန်းများကို ခေါင်းဆောင်မှုပြုလုပ်နိုင်သည့် အတွက် ဒေါက်တာစင်သီယာမောင်သည် အရှေ့တောင်အာရှ ရေမွန် မာဂါဆေးဆေး (Southeast Asia’s Ramon Magsaysay Award)ဆုနှင့် ယခု ဆစ်ဒနီငြိမ်းချမ်းရေးဆု အပါအ၀င် နိုင်ငံတကာမှ ပေးအပ်ချီးမြှင့်သည့် ဆုပေါင်း ၁၆ ခု ရှိပြီဖြစ်ကြောင်း သိရသည်။

Ref..KIC