ကရင်ပြည်နယ်တွင်းရှိ မူးယစ်ဆေးဝါး ရောင်းဝယ်ဖောက်ကားမှုများ၌ ကရင်လက်နက်ကိုင်တပ်များနှင့် အစိုးရ တပ်မတော်တို့ ပါ ဝင်ပတ်သက်မှု ရှိနေကြောင်း သြဂုတ်လ (၁၄) ရက်နေ့ ရက်စွဲဖြင့် ထုတ်ပြန်သည့် ကရင် လူ့အခွင့် အရေး အဖွဲ့ (KHRG) ၏ အစီ ရင်ခံစာ တစ်ရပ်၌ ဖော်ပြ ထားပါသည်။
ကရင်ပြည်နယ်တွင်းရှိ မြို့နယ် များသို့ KHRG မှ ကွင်းဆင်း အချက်အလက်များ လိုက်လံကောက်ယူခဲ့ရာ၌ ၂၀၁၃ မတ်လမှ မေလ အထိ လေ့လာတွေ့ရှိချက်၌ အစိုးရစစ်တပ်၊ KNU လက်အောက်ခံ KNLA တပ်ဖွဲ့၊ DKBA တပ်ဖွဲ့၊ KNU/KNLA-PC တပ်ဖွဲ့၊ ကရင်ပြည်နယ် နယ်ခြားစောင့်တပ် (BGF) တို့ ပါဝင်ကြောင်း ဆိုထား ပါသည်။
ကရင်ပြည်နယ် ဘားအံ မြို့နယ်၊ ကောကရိတ် မြို့နယ်နှင့် ဖွံ့ဖြိုးဆဲ ကရင်ပြည်နယ်တွင်းရှိ ကျေးလက် ဒေသများတွင်အသက် ၁၅ နှင့် ၄၀ နှစ် ကြား မူးယစ် ဆေးဝါး သုံးစွဲ မှုသည် ၆၀ ရာခိုင် နှုန်းနှင့် ၇၀ ရာခိုင် နှုန်းကြားရှိနေကြောင်း KHRG အဖွဲ့၏ ကွင်းဆင်း ညွန်ကြားရေးမှူး စောအဲလ်ဘတ်က ပြောသည်။
“ကျနော်တို့ ၂၀၁၂ အစောပိုင်းက ပြည်တွင်းကို ၀င်ဖို့ အခက်အခဲ ရှိခဲ့ တယ်လေ၊အရင် တုန်းက သုံးစွဲသူ ဘယ်လောက် ရှိနေ သလဲ ဆိုတာ မသိနိုင် သေးပေမယ့် ၂၀၁၂ နောက်ပိုင်းမှာမူးယစ်ဆေးဝါးနဲ့ ပတ်သတ်ပြီး ကရင်ပြည်နယ်ဘက်မှာ သုံးစွဲသူ အများ ဆုံးလူငယ်ပိုင်းနဲ့ လူလတ်ပိုင်းတွေ သုံးစွဲတာ တွေ့ရတယ်။ လူငယ်က အပျော်သုံးစွဲ ကြပြီး လူလတ်ပိုင်းကတော့ အလုပ်လုပ်ရင် အမောခံနိုင်ဖို့ အတွက် သုံးရင်းနဲ့စွဲသွားခြင်း ဖြစ်တယ်” ဟု စုံစမ်း သိရှိ ရကြောင်း၎င်းမှ ဆိုသည်။
ကွင်းဆင်း လေ့လာတွေ့ရှိချက်များအရ ဒေသခံများမှ တဆင့်သိရှိရသည်မှာ မူးယစ်ဆေးဝါး ဖောဖောသီသီ သုံးစွဲနေကြခြင်း၏ အကြောင်းရင်း တစ်ရပ်မှာ နေရာတိုင်းတွင် မူးယစ်ဆေးဝါး အလွယ်တကူ ရရှိသည့် အတွက်ကြောင့် ၄င်းတို့က စိုးရိမ် ပူပန် နေ သည်ဟု တင်ပြ ကြကြောင်း စောအဲလ်ဘတ်က ဆက်ပြောသည်။
“ကျနော်တို့ ကိုယ်တိုင် ကွင်းဆင်းပြီး အချိန်အကြာကြီး ပေးပြီးစုံစမ်း သိရှိရတဲ့အချက်တွေက ပုံစုံအမျိုးမျိုး ပါပဲ။တချို့ကတော့ လူငယ်တွေဆီက သိရတယ်။ မူးယစ် ဆေးဝါးဟာဘယ်လောက်ထိ အခြေအနေဆိုးသလဲ ဆိုတာ ရာဘကို သကြားလုံးဝယ်သလို ၀ယ်စားလို့ ရတယ်လို့မိဘ တွေက ပြောပြတယ်” ဟု စောအဲလ်ဘတ်က ဆက်ပြောသည်။
KHRG အစီရင်ခံစာ အဆိုအရ ပြီးခဲ့သည့် မတ်လ (၁၁) ရက်နေ့တွင် မူးယစ် ဆေးစွဲလူငယ်တဦး ရာဘ၀ယ်ရန် ဆိုင်ကယ် အပေါင် ထားခဲ့ကြောင်း၊ ဖခင်ဖြစ်သူက ဆိုင်ကယ်ပြန်ရွေးယူရန်ပိုက်ဆံပေးခဲ့သော်လည်း မူးယစ်ဆေးရောင်းသမားက သတင်းပေါက် ကြားမည်စိုးသဖြင့်ဟုဆိုကာ (၁၆) နှစ်အရွယ် ကရင် လူငယ်အား သတ်ဖြတ် ခဲ့ကြောင်း ရေးသား ဖော်ပြ ထားပါသည်။
ထပ်မံ ၍လည်း မတ်လ (၂၇) ရက်နေ့က ကရင် ပြည်နယ် BGF အမှတ် ၁၀၁၆ တပ်မှ စစ်သား များက အသက် (၆၇) နှစ်အရွယ် အဖွားအို အား မိမိတို့အား စွပ်စွဲ ပြောဆို သည်ဟုဆိုကာ ဖမ်းဆီး ရိုက်နှက် သတ်ဖြတ် ခဲ့သည့်အဖြစ်လည်းရှိကြောင်း ဖော်ပြထား ပါသည်။
ထို့ကြောင့် KNRG မှ လေ့လာ တွေ့ရှိ ခဲ့သည့် မူးယစ်ဆေးဝါး ကိစ္စနှင့် ပတ်သတ်သည့် အချက် အလက်များကိုစုဆောင်းကာ သက်ဆိုင်ရာ အစိုးရ ၊ လက်နက်ကိုင် တိုင်းရင်းသား အဖွဲ့ များ၊ နိုင်ငံတကာ အဖွဲ့အစည်း UN နှင့် Drug and Alcohol Recovering Education (မူးယစ် ဆေးဝါးနှင့် အရက် သေစာ သုံးစွဲသူ များအား ပညာပေးသည့် အဖွဲ့ များထံ အစီရင်ခံစာ ပေးပို့ သွားမည် ဖြစ်သည်။
KHRG တွေ့ရှိချက် များနှင့် ပတ်သက်၍ ရွှေဟင်္သာ သတင်းဌာနမှ ကရင်လက်နက်ကိုင် အဖွဲ့အစည်း များထံ မေးမြန်း ရာ ၄င်းတို့ မှ ပါဝင်မှု မရှိကြောင်း ငြင်းဆို နေကြပါသည်။DKBA က မိမိတို့ စစ်ဦးစီးချုပ် ဗိုလ်ချုပ် စောလားဖွယ် ကိုယ်တိုင် ဇူလိုင် လလယ် ခန့်၌ မိမိတို့ DKBA တပ်ဖွဲ့ဝင်များ မူးယစ်ဆေးဝါး ရောင်းဝယ် ဖောက်ကားမှု များနှင့် ပတ်သက် သည်ဟု တွေ့ရှိ ခဲ့ပါက ပြင်းပြင်း ထန်ထန် အရေးယူ ဖြစ်ကြောင်း ထုတ်ပြန် ထားပြီး ဖြစ်သည်ဟု ပြောခွင့်ရ ဗိုလ်မှူး စန်းအောင်က ပြောသည်။
BGF အဖွဲ့ မှလည်း အဆိုပါ မူးယစ်ဆေးဝါး ကိစ္စ များနှင့် စပ်လျဉ်း၍ လုပ်ကိုင် နေသူ များမှာ ယခင် တိုင်းရင်းသား လက်နက်ကိုင် အဖွဲ့ များထံတွင် ဝင်ရောက် ဖူးသူများ ဖြစ်ကြသည်။ နောက်ပိုင်း၌ နှုတ်ထွက် ခဲ့ကြပြီး လက်ရှိတွင် လက်နက်ကိုင် တပ်များနှင့် သက်ဆိုင်မှု မရှိတော့ သော်လည်း လက်နက်ကိုင် အမည်ခံကာ မူးယစ်ဆေးဝါး ရောင်းချ မှုများကို လုပ်ဆောင် နေသည်ကို တွေ့ရှိ နေရ သည်ဟု BGF မှ ဗိုလ်မှူး နိုင်မောင်ဇော်က ပြောပါသည်။
KNU အဖွဲ့ မှလည်း မူးယစ်ဆေးဝါးနှင့် မိမိတို့ အဖွဲ့အစည်း ကင်းရှင်းကြောင်း တပ်မဟာ (၇) ဗျူဟာမှူး ဗိုလ်မှူးကြီးဖောဒို က ပြောသည်။
“ကျွန်တော်တို့ အဖွဲ့က လုံးဝ ပတ်သက်မှု မရှိဘူး၊ ရှင်းတယ်၊ ဒီကိစ္စကို လာမယ့် စက်တင်ဘာ ကရင် လက်နက်ကိုင် တပ်များ ညီညွတ်ရေး ကော်မီတီ အစည်အဝေးမှာ ဆွေးနွေး ပြီးတော့ ပြင်းပြင်းထန်ထန် အရေးယူ သွားမယ်” ဟု ဗဒို့ ဖောဒိုက ပြောသည်။
သို့သော်လည်း ကရင် လက်နက်ကိုင် တပ်များ ညီညွတ်ရေး ကော်မီတီများ အတူတကွ ပူးပေါင်း အကောင်အထည် ဖော်ရန် ချမှတ် ထားသည့် အချက် (၇) ချက် အနက် တစ်ချက် ဖြစ်သည့် မူးယစ် ဆေးဝါး ပြသနာ ကိုင်တွယ်ရေးကို ပူးပေါင်း အကောင်အထည် ဖော်နိုင်ပါက အောင်မြင်မည်ဟု ယုံကြည်ကြောင်း စောအဲလ်ဘတ်က သုံးသပ်သည်။
“ကရင် လက်နက်ကိုင် အဖွဲ့များ ညီညွတ်ရေး ကော်မတီမှာ ချမှတ်ထားတဲ့ မူးယစ်ဆေးဝါး တိုက်ဖျက် မှုကို အတူ လုပ်ဆောင် ကြရင် အောင်မြင် မယ်လို့ ကျနော် ယုံကြည်တယ်။တဖွဲ့ ချင်းစီ အကောင်အထည် ဖော်ရင်တော့ အခက်အခဲ ရှိနိုမယ်” ဟု ၄င်းမှ သုံးသပ် ပြောကြားပါသည်။
Ref.....burmese.bnionline
0 comments:
Post a Comment