ပဲခူးတိုင်းဒေသကြီး သယာဝတီခရိုင် နတ်တလင်းမြို့နယ် သက်ငယ်ပြင်ကျေးရွာအုပ်စု သနပ်ကွင်းရွာ နွားစားကျက်မြေကို 1996ခုနှစ်တွင်မြို့နယ်မှ စီးပွားရေးလုပ်ငန်းရှင်တစ်စုမှ ယခင်အာဏာ ပိုင် အဖွဲ့အစည်းများနှင့်ပူးပေါင်းပြီး ဥပဒေမဲ့ အဓမ္မသိမ်းယူ ကာဂေါက်ကွင်းပြုလုပ်ထားပါသည်။ ထို့ကြောင့် လယ်ယာလုပ်ငန်းတွင် အဓိကထား အားကိုးနေရသောကျွဲ နွား များ အတွက်အစာ နှစ်စဉ် အခက်အခဲဖြင့် ရင်ဆိုင်နေရပါသည်။ ၄င်းအပြင်ကျေးရွာအားကစားကွင်းနှင့် သုသန်မြေများကိုလည်းရွားသားများ၏ ဆန္ဒကိုမရယယူဘဲ ဖျက်သိမ်းခြင်းပြုလုပ်ခဲ့ပါသည်။ ဂေါက်ကွင်း လက်ရှိအနေအထားမှာ သနပ်ကွင်းပေါက် တုံး ရွာခြင်းဆက်သည့် ကျေးလက်ဆက်သွယ်ရေးလမ်းကို ခွပြီးပြုလုပ်ထားပါသဖြင့် နေ့စဉ် သွားလာနေ ကျသောရဟန်း သံဃာများစိတ်အနှောက်အယှက်များစွာဖြစ်နေရပါသည်။ရွာသူ ရွာသားများကိုလည်း ယခင်အာဏာပိုင် အဖွဲ့အစည်းများ၏ သြဇာအရှိန်အ၀ါကိုယူပြီး ခြိမ်းခြောက်ခြင်း ရဲစခန်းတိုင်ပြီး အနိင် ကျင့်ခြင်းများကို အကြိမ်ကြိမ် ပြုလုပ်ပါသည်။ကျေနပ်မူမရှိလို့ အကြိမ်ကြိမ်တိုင်းကြားသော်လည်း အရေးယူပေးမည့် သူများမရှိခဲ့ပါ။ ရွာသူရွာသားများ မခံမရပ်နိင်သည့်အတွက် (၁၇.၁.၂၀၁၃) နေ့တွင် ပဲခူး တိုင်းဒေသကြီး အစိုးရအဖွဲ့ဝန်ကြီးချုပ်ထံသို့ တင်ပြတိုင်းကြားခဲ့သည့်အတွက် နတ်တလင်းမြို့နယ် မြေစာ ရင်းဦးစီးဌာနမှ ရွာသူရွာသား(၇၇)ဦးအား(၂၉.၁.၂၀၁၃)နေ့တွင် နတ်တလင်းမြို့သို့ ခေါ်ယူစီစစ်မေးမြန်း မူများပြုလုပ်ခဲ့ပါသည်။ သို့သော်လည်း (၂၃.၃.၂၀၁၃)ရက်နေ့အထိ တိကျသောအဖြေတစုံတရာဖြင့် အကြောင်းပြန်ကြားခြင်းမရှိခဲ့ပါ။ ကျေးရွာသားများ၏ ခိုင်းကျွဲ နွား များအစားအစာမှီခို အားထားနေ ရသည့် နွားစားကျက်မြေအား လူတစ်စု အပန်းဖြေစရာအဖြစ် အသုံးပြုနေသည့် ဂေါက်ကွင်းအား ပယ် ဖျက်ပြီး နွားစားကျက်မြေအဖြစ် ပြန်လည်သတ်မှတ်ပေးစေချင်လိုပါသည်။
Ref...Modern Rock(facebook)
0 comments:
Post a Comment